Një debat i ashpër ka ndodhur sot në Komisionin Parlamentar gjatë raportimit për projektbuxhetin e vitit 2026, ku deputeti i PD-së, Flamur Noka, u përplas me Ministrin e Mbrojtjes, Pirro Vëngu.
Noka akuzoi ministrin se po e sheh realitetin “me syze rozë” dhe se akuzat ndaj ish-qeverisë së PD-së ishin të pabaza, duke theksuar se kjo qeveri ishte ajo që anëtarësoi Shqipërinë në NATO.
Gjatë replikës, Noka iu drejtua Vengut me fjalët: “Me atë ligjin që ju kaluat, unë nuk e di kujt i përkisni. Ndërsa unë njihem si burrë… Në çdo aspekt mbahen për burrë”.
Debati vijoi me akuza të ndërsjella për ndikimin e karteleve dhe ligjet e kaluara, duke krijuar tension mes dy përfaqësuesve politikë. Noka kritikoi gjithashtu dhënien e ekskluzivitetit për kompani private, duke e lidhur këtë me marrëdhënie të dyshimta të qeverisë me biznesin dhe interesat e karteleve.
Ky incident nxori në pah tensionet në Parlament dhe debatet e forta mbi menaxhimin e projektbuxhetit dhe transparencën e qeverisë.
