Kreu i Grupit Parlamentar të Partisë Demokratike, Gazment Bardhi ka reaguar pas lajmit se SPAK ka marrë të pandehur kryetaren e Bashkisë Roskovec Majlinda Bufi.
Reagimi i plotë i Gazment Bardhit:
Lajm i mirë për qytetarët e Roskovecit!
Më në fund kriminelja elektorale Majlinda Bufi, do të përballet me pasojat e një pjese të krimeve të saj. Marrja e pandehur për krime elektorale është vetëm një prej shkeljeve të shumta të kryera prej saj në ushtrimin e detyrës si Kryetare e Bashkisë së Roskovecit. Kriminelja elektorale Bufi i bashkohet kështu kryekrimeneles elektorale Balluku, duke u konfirmuar ajo që kemi thënë prej ditës së parë se në Fier, Partia Socialiste u shndërrua në një bandë elektorale të mirëfilltë e dirixhuar nga Belinda Balluku.
Kjo e fundit është marrë e pandehur për veprën penale të “përdorimit të funksionit publik për veprimtari politike”.
