Kryeministri Edi Rama në episodin e fundit të podcastit foli për zhvillimet kryesore të javës, duke vënë theksin te rritja e pensioneve dhe pagave në sektorin publik e privat.
Ai njoftoi se nga janari i vitit 2026, paga minimale nuk do të jetë më nën 500 euro.
“Lajm për pensionet është pasur për rritjen e pagave. Një rritje e konsiderueshme dhe e shtrirë në të gjithë sektorët, por mbi të gjitha e diktuar nga rritja e premtuar e pagës minimale nga janari i vitit që po troket ku paga minimale në sektorin publik dhe privat, në Shqipëri nuk do të ketë pagë nën 500 euro,” tha Rama.
Kryeministri foli gjithashtu për mbledhjen e parë qeveritare Shqipëri-Itali, ku u ratifikuan 16 marrëveshje që përfshijnë investime në sektorë jetikë dhe bashkëpunim financiar e teknik. Ai e përshkroi këtë si një moment historik për marrëdhëniet ndërkombëtare të vendit.
“Këtë javë kemi pasur dhe mbledhjen e parë mes dy qeverive Shqipëri-Itali në historinë tonë… U materializuan 16 marrëveshje që janë të lidhura me një volum të konsiderueshëm, financimesh dhe punësh të përbashkëta,” shtoi Rama.
