SPAK konfirmon thirrjen e ish-kryeministrit Sali Berisha për ta pyetur për ‘21 Janarin’. Prokuroria njofton se fletëthirrja iu dorëzua Sali Berishës sot gjatë zbatimit të masës ‘detyrim paraqitje’.
“Sot më datë 17.11.2025, gjatë zbatimit të masës “detyrim paraqitje” në Prokurorinë e Posaçme, z. Sali Berisha është njohur dhe ka nënshkruar urdhër-thirrjen lidhur me procedimin penal nr.138 të vitit 2024 (çështja e 21 Janarit), përmes të cilës, i kërkohet të paraqitet në Prokurorinë e Posaçme, në datën dhe orën e caktuar”, thotë SPAK. Dy ftesat e para janë refuzuar, kjo është e treta që i drejtohet Sali Berishës.
