Reshjet e shiut gjatë 24 orëve të fundit kanë shkaktuar problematika në disa zona të Korçës, Vinçanit dhe Maliqit.
Në fshatin Çiflig u përmbytën hangarë blegtoralë, ndërsa rruga e Vinçanit dhe akset e vjetër Korçë–Ersekë u prekën nga shkarje dherash, të cilat u pastruan nga kontraktorët dhe administrata lokale.
OSHEE raportoi ndërprerje të energjisë elektrike për 1,762 abonentë në disa fidera të rajonit, ndërsa lumi Devoll dhe Dunavec mbeten nën kontroll dhe nuk paraqesin rrezik për banesat.
