Reshjet e dendura të shiut kanë bërë të mundur që lumi Vjosa të dalë nga shtrati dhe ka përmbytur 14 banesa dhe stalla bagëtish në këtë zonë.
Lidhur me situatën shqetësuese, pasditen e sotme deputeti i Partisë Demokratike të qarkut Vlorë, Bujar Leskaj është takuar me banorët e Qendrës Administrative Novoselë dhe është shprehur i shqetësuar me situatën.
“Këtu bashkohet përmbytja natyrore me paaftësinë dhe korrupsionin qeveritar. Për vite me radhë nuk është përfunduar argjinatura e Vjosës, fondet për kullimet dhe kanalizimet vetëm janë abuzuar. Një pjesë e banorëve nuk kanë marrë ende dëmshpërblimet e shkaktuara nga përmbytjet e mëparshme. Situata sot është kritike dhe mbetet të shpresojmë që niveli i ujit të bjerë”, u shpreh Leskaj.
