Një 43-vjeçar nga Kosova u arrestua nga Policia e Tiranës pasi u kap në fshatin Larushk, pranë “Ura e Stafukës”, duke transportuar 23 kg e 65 gramë lëndë të dyshuar Cannabis Sativa, që dyshohet se do të trafikoheshin drejt Kosovës.
Gjatë kontrollit u sekuestruan lënda narkotike dhe automjeti i përdorur.
Materialet procedurale u kaluan Prokurorisë, ndërkohë që vijojnë hetimet për identifikimin e personave të tjerë të përfshirë.
