Pas gënjeshtrimeve dhe spekulimeve për deputetin e PD Belind Këlliçin, me gjasë se ky i fundit kishte komunikuar me ish-drejtorin e ARRSH-së Evis Berberin ka reaguar avokatja dhe anëtarja e PD-së Eda Grimci.
Reagimi i plotë i Grimcit
Në emër të të gjithëve ne që jemi ngritur, kemi protestuar, jemi arrestuar, jemi përballur me dhunën policore dhe gazin lotsjellës… dua t’i them kujtdo megafoni te “sponsorizuar” vetëm kaq:
Shpifja është streha e frikacakut.
Dhe frikacakët gjithmonë i sulmojnë ata që nuk i mposhtin dot.
Belind Kelliçi, nuk është goditur sepse ka faj, po sepse nuk u përkul kurrë. Sepse ishte me qytetarët kur regjimi na hidhte gaz. Sepse nuk heshti kur ne na tërhiqnin zvarrë. Sepse nuk e shiti kauzën as për ofiqe, as për pazare.
Ndaj kur dëgjoj shpifjet e atyre që s’kanë qenë asnjë ditë mes nesh, në rrugë, mes tymit dhe prangave… kuptoj vetëm një gjë: janë të dërguar për të njollosur atë që nuk e kontrollojnë dot.
Por ne jemi dëshmitarët. Ne e dimë kush qëndroi dhe kush u fsheh. Ne e dimë kush foli dhe kush paguhej për të heshtur. Ne e dimë kush ka karakter dhe kush jeton me shpifje.
Në emër të çdo protestuesi që pa ferrin në sy dhe nuk u tërhoq ,shpifjet kundër kauzes dhe sakrifices tone nuk na trembin. Na forcojnë.
Sepse të vërtetën e kemi parë me sytë tanë. Dhe të vërtetën nuk e mbulon dot as llumi, as kush e përdor atë si megafon.
