Një ditë pas rrëshqitjes masive të dheut dhe shkëmbinjve në aksin Qukës-Qafë Plloçë, autoritetet kanë nisur punën për pastrimin e rrugës, ndërsa qarkullimi i mjeteve është devijuar përmes një by-pasi provizor.
Rruga, e cila kushtoi rreth 260 milionë euro dhe u përfundua pas 14 vitesh ndërtimi, ka dalë jashtë funksionit vetëm dy muaj pas përdorimit.
Shembjet e përsëritura ngrejnë dyshime mbi cilësinë e punimeve, projektimin dhe mungesën e studimeve gjeologjike.
Ky aks, që u paraqit si një investim strategjik për lidhjen e Perëndimit me Lindjen, po shihet tani si një shembull i keqmenaxhimit të fondeve publike.
