Deputeti i Partisë Demokratike, Klevis Balliu, njoftoi se PD ka votuar kundër buxhetit të propozuar nga qeveria, duke e arsyetuar vendimin me situatën e sigurisë në vend dhe atë që opozita e cilëson si lidhje të ngushtë mes qeverisë dhe grupeve kriminale.
“Nuk mund t’i jepet në dorë buxheti atyre që janë përgjegjës për pasigurinë në vend. E vetmja gjë që është rritur nga ana e sigurisë është bashkëpunimi i krimit të organizuar me qeverinë aktuale.
Nuk kalon dot një javë në Shqipëri pa patur atentate mafioze, sepse bandat kanë bashkëpunim me qeverinë dhe segmentet e sigurisë që duhet të mbronin qytetarët. Buxheti i propozuar nuk sjell asgjë për të parandaluar krimin; për qeverinë, krimi është bashkëpunëtor e aleat, ndërsa qytetarët kthehen çdo ditë në viktima,” tha Balliu.
