Presidenti amerikan Donald Trump ka njoftuar se plani i tij për t’i dhënë fund luftës në Ukrainë është “përmirësuar”.
Ai ka dërguar emisarin Steve Witkoff për t’u takuar me presidentin rus Vladimir Putin, ndërsa sekretari i Ushtrisë, Dan Driscoll, do të zhvillojë bisedime me zyrtarët ukrainas.
Trump tha se do të takohet me Putinin dhe presidentin ukrainas Volodymyr Zelensky vetëm kur marrëveshja e paqes të jetë pranë finalizimit.
“Pres me padurim të takohem me ta, por vetëm kur marrëveshja të jetë në fazën përfundimtare”, deklaroi ai.
