Policia e Shkodrës ka arrestuar dy persona, Erzen Uka dhe Julian Cumraku, të cilët u gjetën të ngujuar në një banesë të braktisur në fshatin Orosh.
Gjatë kontrollit u sekuestruan armë automatike, pistoleta, municion, granata dore dhe një flamur i organizatës ISIS.
Të arrestuarit nuk dhanë deklarime, duke thënë se “i japin llogari vetëm Zotit”. Policia dyshon se banesa shërbente si strehë për planifikimin e ndonjë akti terrorist, ndërsa po hetohet edhe një person i tretë i përfshirë.
Prokuroria po heton Uka dhe Cumraku për veprat penale të lidhura me terrorizmin, prodhimin dhe mbajtjen e armëve, si dhe kundërshtimin e punonjësve të policisë.
