Dy persona të shpallur në kërkim janë arrestuar nga Policia e Tiranës në kuadër të operacionit “Double”.
Ata akuzohen për plagosje të rëndë me dashje, të kryer në bashkëpunim. Pas një pune hetimore intensive, ata u kapën në Kamëz.
I. M., 45 vjeç dhe B. A., 38 vjeç, janë dy të arrestuarit, të cilët dyshohet se, më 3 prill 2025, kanë goditur me sende të forta një person, A. H., duke i shkaktuar dëmtime të rënda për motive të dobëta.
Operacioni u finalizua pas ekzekutimit të një urdhri të lëshuar nga Prokuroria e Tiranës më 15 prill 2026.
Materialet iu referuan Prokurorisë për veprime të mëtejshme.
