Këshilli i Përgjithshëm i Lëvizjes Vetëvendosje, ka zgjedhur Albin Kurtin si kandidat për kryeministër në zgjedhjet e parakoshme të 28 dhjetorit.
Kreu i Grupit Parlamentar të Kosovës Glauk Konjufca, zgjedhjen e Kurtit nga Këshilli e ka cilësuar atë si më të saktën dhe të duhurën.
“Jemi mbledhur që sot ta nominojmë kryeministrin e ardhshëm nga radhët e Vetëvendosjes, unë do ta nominoj më të votuarin nga populli ynë në historinë e demokracisë parlamentare. Më meritorin në udhëheqjen e Lëvizjes Vetëvendosje, liderin e transformimit social dhe demokratik të Kosovës, kryeministrin më të suksesshëm të republikës, Albin Kurti”, ka thënë Konjufca.
