SPAK ka qenë shumë herë në qendër të debatit për nxjerrjen e sekreteve hetimore për dosje të forta. Kryeprokurori i SPAK, Altin Dumani është shprehur sot se transparenca dhe ruajtja e sekretit hetimor ndahen nga një vijë shumë e hollë.
“E ndan një vijë shumë e hollë transparencën nga ruajtja e sekretit hetimor. Sekreti i hetimit dhe të drejtat e palëve në proces duhen ruajtur” tha ai.
Gjatë bashkëbisedimit me përfaqësuesit e mediave, Altin Dumani – në javën e fundit si drejtues i SPAK – është shprehur se puna në krye të organit qendror të akuzës në Shqipëri nuk ka qenë e lehtë.
“Nuk ka qenë e lehtë puna, SPAK në vite ka arritur të krijojë besim te partnerët. Shumë çështje do doja t’i kisha bërë në muajin e dytë të punës, por çdo gjë do kohën e vet” tha ai.
