Një aksident i shumëfishtë ka ndodhur mbrëmjen e sotme rreth orës 17:30 në autostradën Elbasan–Tiranë.
Sipas burimeve nga vendngjarja, të paktën dhjetë makina janë përfshirë në përplasjen zinxhir, ndërsa tre prej tyre kanë përfunduar mbi njëri-tjetrin për shkak të goditjes së fortë.
Fatmirësisht, deri në këto momente nuk raportohen dëme në njerëz, por dëmet materiale janë të konsiderueshme.
Policia Rrugore dhe shërbimet e emergjencës ndodhen në vendngjarje, ndërsa po punojnë për normalizimin e situatës dhe sqarimin e rrethanave të aksidentit.
