Kryeministri Edi Rama ka dhënë një intervistë për podcastin austriak “East Side Stories” të medias Die Presse, ku ka komentuar mbi një sërë çështjesh, duke përfshirë luftën kundër korrupsionit, pavarësinë e drejtësisë, përplasjet politike ndërkombëtare dhe procesin e anëtarësimit të Shqipërisë në Bashkimin Europian.
Duke folur për rolin e Strukturës së Posaçme Anti-Korrupsion (SPAK), Rama nënvizoi rëndësinë e pavarësisë së saj.
“Kam thënë se duhet të ndërtojmë mekanizma të drejtësisë që mund të provojnë pavarësinë e tyre, duke hetuar, duke investiguar dhe duke dënuar, pa marrë parasysh nga cila anë vjen çështja. Nuk është aq këndshme sa të shkosh në operë. Është e dhimbshme. Është e hidhur. Por është mënyra e vetme. A është perfekte? Jo. A bëjnë gabime? Sigurisht. Por në fund të ditës, duhet të bëjmë gjithçka që të mos prekim pavarësinë që u kemi dhënë atyre.”
