Kryetari i PD-së, Sali Berisha njoftoi sot zhvendosjen e “Foltoreve” këtë javë në të gjithë vendin.
“Këtë javë fillojmë foltoret jashtë Tiranës dhe do të vazhdojë në tërë vendin. Mesazhi i urimit të sekretarit Rubio dhe presidentit Trump prek apo trajton problemin më themelor që kemi sot ne si komb dhe si vend; drogën, krimin dhe luftën kundër tyre. Kjo përbën një inkurajim në përpjekjen tonë të madhe për të shpëtuar shqiptarët nga ky regjim”.
Kur do të jepni dorëheqjen nga PD? “PD është një parti e cila, përcakton fatin e drejtuesve dhe anëtarëve të saj përmes votës. Në kushtet e një pluralizmi funksional nuk ka dyshim se humbja e zgjedhjeve është kriteri i atyre që drejtojnë por në kushtet e narko-shtetit dhe kur zgjedhjet janë farsë një akt i tillë do i shërbente diktatorit dhe një akt i tillë nuk mund të ndodhë, veç me votën e demokratëve shqiptarë” tha ai.
