Ditën e nesërme fermerët grekë do të protestojnë kundër qeverisë për mungesën e subvencioneve të dhënë nga shteti dhe koston e lartë të naftës për makineritë që përdorin për punë.
Policia kufitare e Kakavijës, ka njoftuar se do mbyllet aksi rrugor i qarkullimit të mjeteve Kakavijë-Janinë.
Njoftimi i Policisë
Policia Kufitare e Kakavijës ka njoftuar se të dielën e datës 30 nëntor, nga ora 18:00 deri në orën 22:00 (me orën greke), aksi rrugor Kakavijë–Janinë do të jetë i bllokuar për shkak të protestave të fermerëve grekë.
Vetëm automjetet me emergjenca shëndetësore do të lejohen të qarkullojnë në këtë fashë orare. Policia kufitare kërkon mirëkuptimin e qytetarëve dhe sugjeron planifikimin e udhëtimeve në orare të tjera të ditës.
