Pas ndarjes nga jeta të këngëtarit të njohur Shpat Kasapi, mungesa e një reagimi zyrtar nga qeveria e Maqedonisë ka nxitur kritika të forta.
Eva Vatoci, mikeshë e afërt e artistit, e ka cilësuar këtë qëndrim si një shenjë diskriminimi ndaj Kasapit për shkak të përkatësisë së tij shqiptare.
Në një postim publik, ajo theksoi se mosdeklarimi i një dite zie kombëtare për Kasapin, pavarësisht kontributit të tij të madh në muzikën e rajonit, tregon standarde të dyfishta nga autoritetet maqedonase.
Vatoci shtoi se po të ishte pjesë e komunitetit shumicë, reagimi do të kishte qenë më i shpejtë dhe më institucional.
Deklarata e saj ka ngjallur debat në rrjetet sociale, ku shumë qytetarë shqiptarë shprehin zhgënjimin për mungesën e respektit dhe barazisë simbolike.
Vatoci thekson se reagimi nuk është thjesht emocional, por pasqyron një pritshmëri të gjerë për trajtim të drejtë dhe të barabartë nga institucionet.
