Deputeti i Partisë së Lirisë, Tedi Blushi, kritikoi sot qeverinë për nivelin e ulët të pensioneve, duke e konsideruar atë një tallje për të moshuarit.
Ai akuzoi qeverinë edhe për keqmenaxhimin e fondeve publike dhe gjendjen e rrugëve pas reshjeve të fundit.
“Rilindja e vrimave ka bërë gropa të mëdha jo vetëm në financat publike, por edhe në infrastrukturë. Pensionistët, sidomos ata që 6 vite pas tërmetit ende nuk kanë një shtëpi, përballen me indiferencën e shtetit. 91-vjeçari Ali Myrtolli, i verbër dhe banues në Kombinat, ligji i ka kthyer shtëpinë që ia shembi tërmeti, por shteti nuk ia jep. Je kandidat për varreza, është përgjigja që merr nga shteti. Qeveria i ka mundësitë për t’i dyfishuar pensionet, por ajo jep vetëm 60 lekë në ditë – kjo është tallje për qytetarët. Pensionistët nuk duhet të mashtrohen, dhe është turp që nuk ka zë për rritjen e pensioneve dhe pagave,” tha Blushi.
