Gjykata e Posaçme e Apelit ka lënë sot në fuqi dënimin prej 25 vitesh burg për Blendi Tetën, i akuzuar për përfshirje në vrasjen e ish-efektivit të policisë Santiago Malko në vitin 2019.
Trupi gjykues i përbërë nga gjyqtaret Tereza Merkaj, Valdete Hoxha dhe Edlira Petri vendosi të mos ndryshojë vendimin e shkallës së parë, pas rishqyrtimit që u urdhërua nga Gjykata e Lartë.
Teta do të përballojë edhe shpenzimet e procesit, ndërsa palët kanë 45 ditë afat për rekurs në Gjykatën e Lartë.
