Deputetja e PD-së, Ina Zhupa, në fjalën e saj në Kuvend, kritikoi qeverinë shqiptare për ndërprerjen e marrëveshjes me fondacionin gjerman “Hanns-Seidel”, duke e cilësuar si një shenjë se ndërkombëtarët nuk besojnë më tek Shqipëria.
“Ky është një rast ku partnerët nuk i besojnë më Shqipërisë. Me qeverinë shqiptare bashkëpunojnë vetëm ato të llojit të vet. Kjo tregon se ndërkombëtarët nuk bashkëpunojnë më me Shqipërinë, sepse shikojnë raportet për korrupsionin, drogën dhe krimin,” tha Zhupa.
Ajo kritikoi gjithashtu buxhetin e arsimit, duke theksuar se shpenzimet për sektorin kanë rënë në 2,4% të PBB-së këtë vit dhe pritet të arrijnë në 2,1% deri në 2028, duke e konsideruar arsimin një prioritet të neglizhuar nga qeveria.
