Ministrja në detyrë e Ekonomisë, Artane Rizvanolli, ka deklaruar se Qeveria e Kosovës nuk mund të pengojë kompaninë serbe EFT të marrë pjesë në ankandet për kapacitete të energjisë elektrike.
Ajo tha se procesi zhvillohet në kuadër të qendrës rajonale SECAO, ku miratohen rregulla të përbashkëta për shtetet e rajonit.
“Ekziston një qendër rajonale, SECAO, ku miratohen rregullat e ankandeve dhe nuk ka mundësi për ndërhyrje të veçantë nga Qeveria e Kosovës,” u shpreh Rizvanolli, duke shtuar se nuk bëhet fjalë për ndërmarrje publike apo private të Kosovës, por për një procedurë rajonale.
