Elon Musk ka nisur një tjetër sulm të ashpër kundër Bashkimit Europian, duke e akuzuar atë për mungesë demokracie dhe për mbizotërimin e burokracisë.
Përmes postimeve në platformën X, Musk shkruan se BE-ja nuk është një demokraci, por një burokraci, duke kritikuar politikanët evropianë dhe duke e cilësuar Bashkimin Europian si një “kërcënim ekzistencial” për lirinë dhe sovranitetin e Europës.
Tensionet mes Musk dhe BE-së janë përshkallëzuar pas një gjobe prej 120 milionë eurosh të vendosur ndaj X për shkelje të rregullave të transparencës.
Pas kësaj, Komisioni Europian humbi aksesin në panelin e reklamave të X, dhe shefi i produkteve të platformës, Nikita Bier, akuzoi Komisionin për përpjekje për të manipuluar postimet lidhur me gjobën.
Musk reagoi duke kritikuar BE-në për dy standarde dhe shkelje të parimeve të transparencës.
