Fabjel Toska (Xhindi) është 37-vjeçari, i cili mbeti i plagosur me armë zjarri në Berat, në rrethana ende të paqarta.
Policia sqaroi më herët se i riu u paraqit në spital i plagosur me armë zjarri, po nuk ka asnjë informacion për mënyrën si ai ishte plagosur.
37-vjeçari ndodhet ne spital jashtë rrezikut për jetën, ndërsa policia dhe grupi hetimor po punojnë për zbardhjen e rrethanave dhe identifikimin e autorit.
Njoftimi:
Rreth orës 00:55, është dërguar në spital për ndihmë mjekësore shtetasi F. T. (Xh)., 37 vjeç, banues në Berat, i plagosur me armë zjarri në rrethana ende të paqarta, në hyrje të qytetit.
37-vjeçari ndodhet jashtë rrezikut për jetën.
Menjëherë është ngritur grupi hetimor dhe, nën drejtimin e Prokurorisë, vijojnë intensivisht hetimet për zbardhjen e rrethanave dhe sigurimin e provave, me qëllim dokumentimin ligjor të ngjarjes, identifikimin dhe kapjen e autorit/ve.
