Më 9 dhjetor, Këshilli i Lartë i Prokurorisë do të votojë për emërimin e Joni Ketës si Drejtor të Byrosë Kombëtare të Hetimit.
Keta, aktualisht zëvendësdrejtor i Byrosë, është propozuar pas një procesi seleksionimi që ka zgjatur disa muaj.
Në garë për këtë pozicion ishin shtatë kandidatë, përfshirë zyrtarë të lartë të policisë dhe prokurorë. Byroja Kombëtare e Hetimit, e njohur si “FBI-ja shqiptare”, është një strukturë kyçe për hetimet e SPAK-ut ndaj korrupsionit dhe krimit të organizuar.
Në mandatin e parë, Byroja u udhëhoq nga Aida Hajnaj. Emërimi i Joni Ketës do të jetë një hap i rëndësishëm për forcimin e kësaj strukture.
