Një 35-vjeçar është arrestuar nga policia e Krujës pas një operacioni të koduar “Pjesëtari”, pasi ishte shpallur në kërkim për disa akuza.
Armand Dervishi ishte dënuar në vitin 2024 nga Gjykata e Posaçme kundër Korrupsionit dhe Krimit të Organizuar me mbi 6 vjet burgim për pjesëmarrje në një grup të strukturuar kriminal që merrej me kultivimin dhe shitjen e narkotikëve.
Po ashtu, ai ishte dënuar edhe nga Gjykata e Krujës për ndërtim të paligjshëm, me një dënim prej 9 muajsh burg. Pas kapjes, Dervishi është vënë në dispozicion të Prokurorisë së Tiranës për veprime të mëtejshme.
