Presidenti amerikan Donald Trump ka deklaruar të premten se Marina e Shteteve të Bashkuara po vepron “si piratë” në përpjekjet për të zbatuar bllokadën ndaj porteve iraniane.
Gjatë një aktiviteti në Florida, Trump ka përshkruar një incident të fundit, ku forcat amerikane ndaluan një anije iraniane dhe morën nën kontroll ngarkesën e saj, duke sekuestruar mallrat dhe naftën.
“Jemi si piratë. Jemi disi si piratë, por nuk bëjmë lojëra”, u shpreh Trump, duke theksuar se operacionet e tilla janë “shumë fitimprurëse”.
Ai përshkroi gjithashtu një moment kur ekuipazhi i anijes iraniane ishte udhëzuar të ndalte, për t’u shkatërruar më pas, duke theksuar se ky ishte një veprim i drejtpërdrejtë i forcave amerikane.
