Në një deklaratë të fundit për mediat, Kryetari i Partisë Demokratike, Sali Berisha, ka akuzuar mazhorancën për manipulime dhe përpjekje për të kontrolluar opozitën.
Ai theksoi se, pavarësisht përpjekjeve të mazhorancës për të ndikuar në proceset e brendshme të PD-së, opozita është e vendosur të qëndrojë e fortë dhe të mbrojë interesat e qytetarëve.
“Është një lojë e turpshme që narko-mazhoranca ka bërë, dhe ne kemi qenë aty, në intrigat dhe banalitetet e tyre. Kujtohet kur Taulant Balla me Toyota Yarisin tha se do ta lëmë opozitën? E, tani, po ju tregojmë se ata pendojnë. Opozita ka tërhequr çdo firmë, përveç atyre që kanë lëshuar vetë. Janë 6 kandidatura dhe çfarë bënë ato sot? U futën në listën e kandidaturave të tyre. Arritën deri në këtë deklaratë të turpshme, duke përsëritur atë që thotë Edi Rama: ‘Ne nuk marrim pjesë dhe ia lëmë Partisë Demokratike.’ Ata nuk pyetën dhe shkuan me kandidaturat e tyre. Partia Demokratike tani të tërhiqet dhe t’i merret me kandidaturat e tyre!”
