Një tërmet me magnitudë 7.6 ballë ka goditur Japoninë verilindore, duke lënë të plagosur të paktën 30 persona dhe duke detyruar mijëra njerëz të evakuohen.
Tërmeti u regjistrua më 8 dhjetor në orën 23:15 (14:15 GMT) në një thellësi prej 50 km, rreth 80 km larg bregdetit të rajonit Aomori. Fillimisht, autoritetet lëshuan paralajmërim për cunami, por tani janë hequr, pasi valët që u panë arritën vetëm 70 cm.
Mediat lokale raportojnë se 2,700 shtëpi janë pa energji elektrike dhe disa udhëtime me tren janë pezulluar.
Autoritetet paralajmërojnë për mundësinë e një tërmeti më të fuqishëm në ditët në vijim dhe kërkojnë që banorët të jenë në gatishmëri për të paktën një javë. Japonia, që ndodhet në Unazën e Zjarrit, është një nga vendet më të prirura ndaj tërmeteve në botë, me rreth 1,500 tërmete çdo vit.
