Një 34-vjeçar është arrestuar nga policia e Korçës, pasi akuzohet për shpërndarje droge në qytet.
Pas hetimeve intensive, specialistët e Seksionit për Hetimin e Narkotikëve arritën të kapin në flagrancë P. S., i cili kishte shitur doza kanabisi.
Gjatë kontrolleve, u gjetën dhjetëra doza të lëndës narkotike dhe një peshore elektronike në banesën e tij, të cilat u sekuestruan si prova materiale.
Po ashtu, një person tjetër, P. M., 23 vjeç, u kap me disa doza kanabisi, që ia kishte blerë P. S.
Ky i fundit ishte i dënuar më parë për të njëjtën veprimtari kriminale. Materialet procedurale iu referuan Prokurorisë së Korçës për veprime të mëtejshme.
