Dy persona janë arrestuar dhe pesë të mitur janë vënë në hetim për një sherr të dhunshëm që ndodhi para derës së një gjimnazi në Shkodër.
Policia ka arrestuar K. Th., 24 vjeç, dhe D. K., 19 vjeç, për ngjarjen e ndodhur në lagjen “Kongresi i Përmetit”, ndërsa për pesë të mitur (4 të moshës 17 vjeç dhe një 16 vjeçar) është iniciuar procedimi penal.
Sipas hetimeve, konflikti ka shpërthyer për motive të dobëta dhe ka pasur përplasje fizike mes disa të rinjve.
Si pasojë, dy prej të miturve kanë pësuar dëmtime të lehta. Policia e Shkodrës, në bashkëpunim me Prokurorinë, po vijon hetimet për zbardhjen e plotë të ngjarjes dhe për marrjen e masave të tjera ligjore.
