Lecce fitoi 1-0 ndaj Pisas në Serie A, në kuadër të raundit të 15-të, falë golit të Stulic në minutën e 72-të.
Megjithatë, ndeshja u shoqërua me shqetësime për mesfushorin e Kombëtares, Medon Berisha, i cili pas vetëm dhjetë minutash lojë ndjeu dhimbje dhe u largua nga fusha me barelë dhe mes lotësh.
Sipas raportimeve, ka frikë për një këputje të muskujve aduktorë të kofshës, por Lecce ende nuk ka dhënë një raport zyrtar për gjendjen e tij.
Në vend të Berishës hyri Kaba, ndërsa Ylber Ramadani qëndroi pranë tij gjatë gjithë kohës. Pas kësaj fitoreje, Lecce ngjitet në vendin e 13-të me 16 pikë, ndërsa Pisa mbetet e fundit me 10 pikë.
