Kryeministri australian, Anthony Albanese, ka reaguar me forcë ndaj akuzave të kryeministrit izraelit Benjamin Netanyahu, i cili lidhte njohjen e shtetit palestinez nga Australia me rritjen e antisemitizmit.
Albanese hodhi poshtë çdo lidhje mes këtij vendimi dhe sulmit terrorist të fundit në Bondi Beach, duke theksuar se Australia mbështet një politikë të balancuar dhe të përputhur me konsensusin ndërkombëtar. Ai ka theksuar gjithashtu rëndësinë e unitetit kombëtar në këto momente të tensionuara dhe mbështetjen e fortë për komunitetin hebraik në Australi.
„Jo, nuk e shoh lidhjen,“ u shpreh kryeministri australian Anthony Albanese, duke hedhur poshtë akuzat e kryeministrit izraelit Benjamin Netanyahu se njohja e shtetit palestinez kishte kontribuar në rritjen e antisemitizmit. Albanese theksoi se Australia mbështet një politikë në përputhje me konsensusin ndërkombëtar dhe theksoi: „Shumica e vendeve në botë e pranojnë zgjidhjen me dy shtete si rrugën përpara në Lindjen e Mesme.“ Ai shtoi se prioriteti i tij është uniteti kombëtar dhe mbështetje për komunitetin hebraik në Australi.
