Kryetari i Grupit Parlamentar të Partisë Socialiste, Taulant Balla reagoi ndaj deklaratave të Sali Berishës lidhur me zgjedhjen e Avokatit të Popullit, duke theksuar se procesi është zhvilluar tërësisht në përputhje me Kushtetutën dhe ligjin organik të institucionit.
Reagimi i plotë i Ballës
“I lodhuri paska dalë e folur përsëri mbi zgjedhjen e Avokatit të Popullit, proçes i cili u zhvillua tërësisht sipas parashikimeve të Kushtetutës dhe ligjit të vet organik, duke nxjerrë fitues një kandidat të mbështetur me më shumë se 28 firma nga Partia Demokratike”, tha ai.
Partia Socialiste, sipas tij, mbajti deri në fund qëndrimin për të mos propozuar asnjë kandidat të vetin, por për të mbështetur në seancën plenare një nga kandidatët e propozuar nga opozita.
Ai akuzon Partinë Demokratike se e ka shndërruar procesin në një farsë.
Po të duan me rregulla loje e qytetari, hajde ulemi dhe të diskutojmë për çdo gjë. Përndryshe, ne nuk do t’i presim për asnjë moment. Sepse nuk kemi orë për të humbur, ditë, javë apo muaj jo e jo.”, thekson ai.
Në fund të reagimit, Balla u uron deputetëve të opozitës festat e fundvitit me një mesazh: “Gëzuar edhe deputetëve të opozitës Festat e fundvitit, me urimin që pas bakllavasë dhe gjelit të detit të kenë nxjerrë edhe mësimin e duhur nga votimi me firmat e tyre e me votat tona, e të ecim përpara bashkërisht. Po të duan, natyrisht.”
