Inspektoriati i Mbrojtjes së Territorit (IMT) pranë Bashkisë Sarandë, në bashkëpunim me Komisariatin e Policisë Sarandë, ka ekzekutuar sot vendimin për prishjen e një objekti të paligjshëm në Ksamil.
Objekti, i ndërtuar me materiale druri, ishte vendosur pa leje në një sipërfaqe toke publike, gjatë natës.
Pas verifikimeve të kryera, struktura e IMT konfirmoi se ndërtimi ishte bërë në kundërshtim me legjislacionin dhe pa miratimin e autoriteteve përkatëse.
Aksioni është pjesë e një fushate të vazhdueshme për lirimin e hapësirave publike dhe parandalimin e ndërtimeve pa leje në zonat e mbrojtura, siç është Ksamil, një destinacion turistik i njohur.
