Gazetari Elton Qyno shprehet se nëse Belinda Balluku do të kishte dhënë dorëheqjen do të kishte qenë më mirë për atë dhe pushtetin.
“Nëse do të kishte dhënë dorëheqjen së pari do të ishte mirë për Ballukun pasi nuk do të ishte në këtë situatë, do të shmangej kjo përplasje me qeverinë dhe vetë Belinda do të ishte më e ngrohtë për t’u përballur me gjykatat.
Duke treguar edhe SPAK-u edhe pushteti forcën e vet, të dyja palët do të shkojnë me armët e veta por këtu humbet shumë pushteti dhe vetë Belinda. Të gjitha rastet kur prokuroria ka kërkuar heqjen e imunitetit i ka marrë.
Edhe në këtë rast besoj se SPAK do ta marrë autorizimin sepse do të ishte një fiasko dhe do të humbte edhe vetë shumica. Nëse PS nuk e jep autorizimin, SPAK-u do të shkojë me cështje të tjera për të kërkuar heqjen e imunitetit” tha ai.
