Anëtari i Këshillit Kombëtar të PD-së, Lisander Hoxha, ka cilësuar mbledhjen e sotme të partisë si një moment vendimtar për të ardhmen e PD-së dhe vendit.
Ai theksoi se ky është një “vendim historik” për të ndarë partinë nga stabilokracia dhe ndikimet e jashtme, veçanërisht ato të përfaqësuara nga George Soros.
Hoxha kërkoi një qëndrim të qartë kundër qeverisë, të cilën e cilëson si “më të korruptuarën në Europë”, dhe e dënoi çdo lidhje financiare mes drejtuesve të PD-së dhe qeverisë.
Ai gjithashtu kërkoi miratimin e një rregulloreje të re për të garantuar pavarësinë e PD-së dhe luftën pa kompromis ndaj korrupsionit. Në përfundim, Hoxha e quajti këtë proces “betejën përfundimtare” për mbylljen e tranzicionit stabilokratik në Shqipëri.
