Në një fjalim të mbajtur në Kavajë, Sali Berisha i bëri thirrje kryeministrit Edi Rama të largohet nga pushteti, duke e akuzuar për shtypjen e pluralizmit, vjedhjen e votave dhe rritjen e krimit në vend.
Ai theksoi se qeveria e Ramës ka shkaktuar një largim masiv të shqiptarëve dhe ka bllokuar drejtësinë. Berisha e cilësoi Ramën si “armikun më të egër” të shqiptarëve.
“Edi Rama, pasardhësi i xhelatit që vari poetin disident, bën gjithçka për të shtypur dhe shuajtur pluralizmin. Ka përqendruar çdo pushtet në duar, ka bllokuar çdo hapësirë në parlament dhe përdor çdo mjet për të shkatërruar opozitën. Ai ka vjedhur shqiptarët dhe i ka larguar ata më shumë se çdo qeveri tjetër. Tani, ai ka vendosur të bllokojë drejtësinë dhe unë i them nga Kavaja, mos guxo të mbrosh me vota të rrëmbyera hajdutët e qeverisë. Largohu nga pushteti, sepse je armiku më i egër i shqiptarëve.”
