Gjykata e Posaçme e Apelit la në fuqi masat e sigurisë “ndalim i daljes jashtë shtetit” për zv/kryeministren dhe ministren e Infrastrukturës dhe Energjisë, Belinda Balluku.
Prokurorët Dritan Prençi dhe Dorina Bejko paraqiten prova të reja të cilat sipas tyre, rëndojnë pozitën penale të zëvendëskryeministres.
Për masën “pezullim nga detyra”, gjykata vendosi të pezullojë shqyrtimin derisa të shprehet Gjykata Kushtetuese.
Balluku është marrë e pandehur për një tender që lidhet me tunelin e Llogarasë, ndërsa po hetohet edhe për disa lote të ndërtimit të unazës së madhe të Tiranës.
SPAK ka kërkuar heqjen e imunitetit të deputetes për zv/kryeministren për të dhe dhënien e autorizimit për arrestimin ose heqjen e lirisë së saj.
Dy të pandehur e tjerë, Erald Elezi dhe Gentian Gjyli kërkuan heqjen e masës së sigurisë “arrest në shtëpi” dhe vendosjen e një masë më të butë, pasi pengohen të ushtrojne funksionet e tyre. Por Apeli nuk i ndryshoi masat ndaj tyre.
Vendimi i plotë që la në fuqi ndalimin e largimit të Ballukut nga vendi
