Në një moment kritik për Ukrainën, Presidenti Volodymyr Zelensky ka kërkuar një vendim të shpejtë nga Bashkimi Evropian për përdorimin e aseteve ruse të ngrira, duke theksuar se ky hap është i domosdoshëm për të mbështetur luftën dhe sigurinë e vendit të tij.
Sipas Zelensky, një marrëveshje për përdorimin e këtyre fondeve duhet të merret deri në fund të vitit, për të mundësuar një mbështetje më të fortë për forcat ukrainase dhe për të rritur presionin ndaj Rusisë.
“Partnerët tanë janë informuar se vendimi duhet të merret deri në fund të vitit”, theksoi Zelensky gjatë një konference për shtyp në Bruksel, ku po zhvillohet samiti i liderëve të Bashkimit Evropian. Ai nënvizoi se Ukraina është e gatshme për çdo skemë që mundëson përdorimin e aseteve ruse, por gjithashtu shprehu preferencën për një hua si zgjidhje të mundshme.
