Autoritetet turke kanë arrestuar aktoren Ezgi Eyupoglu dhe shtatë persona të tjerë, pas një hetimi për drogë në Stamboll.
Eyupoglu u arrestua me dyshimin për blerje droge për përdorim personal, ndërsa dy të tjerë u ndaluan për prodhim dhe trafikim droge. Katër persona të tjerë u arrestuan për lehtësim të prostitucionit.
Hetimi është pjesë e një operacioni më të gjerë që ka çuar në arrestimin e dhjetëra individëve të tjerë që nga tetori i këtij viti.
Po ashtu, disa figura të njohura të medias turke, përfshirë prezantuesen Ela Rümeysa Cebeci dhe gazetarin Mehmet Akif Ersoy, janë arrestuar apo pyetur lidhur me përdorimin e drogës.
