Julian Shehu po tërheq vëmendjen e klubeve të mëdha europiane, duke spikatur me paraqitjet e tij të shkëlqyera me Vizdev në Poloni.
Sipas raportimeve të fundit, mesfushori i Kombëtares së Shqipërisë është një objektiv serioz për Panathinaikosin, që po e shqyrton mundësinë e transferimit të tij për të forcuar repartin e mesfushës.
Megjithatë, interes për Shehun ka edhe nga klube të tjera si Valencia dhe disa skuadra nga MLS, megjithëse skuadra greke duket të jetë në avantazh, pasi ka mundësinë të përfitonte nga një klauzolë lirimi në kontratën e lojtarit.
Julian Shehu ka realizuar pesë gola dhe ka dhënë katër asistime në 20 ndeshje këtë sezon, duke konfirmuar formën e tij të shkëlqyer dhe duke tërhequr vëmendjen e skautëve të shumë klubeve të mëdha.
