Qeveria e ish-Presidentit Donald Trump do të publikojë sot “qindra mijëra dokumente” që lidhen me Jeffrey Epstein, të dënuar për krime seksuale, ka njoftuar një zyrtar i lartë i Departamentit të Drejtësisë të SHBA-së. Ky publikim vjen pas skadimit të afatit ligjor, i cili kërkon që të gjitha materialet që administrata Trump ka në lidhje me Epstein të bëhen publike.
Zëvendësministri i Drejtësisë, Todd Blanche, konfirmoi për Fox News se dokumentet do të jenë të ndryshme nga njëra-tjetra dhe se më shumë materiale priten të bëhen publike në javët që vijnë.
Ai e justifikoi këtë vonesë duke theksuar se duhet të mbrohen identitetet e viktimave dhe informacionet sensitive.
“Ne po shqyrtojmë çdo dokument për të siguruar mbrojtjen e plotë të viktimave dhe të dhënave të ndjeshme,” tha Blanche, duke shtuar se hetimi për Epstein vazhdon, edhe pse deri tani nuk ka pasur ndjekje të reja penale.
