Presidenti amerikan, Donald Trump, ka deklaruar se një anije mallrash iraniane, e quajtur “TOUSKA”, është ndaluar gjatë një ndërhyrjeje detare në Gjirin e Omanit, për shkak të dyshimeve se po tentonte të shkelte një bllokadë të vendosur nga Shtetet e Bashkuara.
“Anija ‘TOUSKA’, rreth 274 metra e gjatë, u pikas nga shkatërruesi amerikan USS Spruance, i cili kërkoi nga ekuipazhi të ndalonte menjëherë,” tha Trump në një postim në rrjetet sociale.
Ai shtoi se ekuipazhi iranian nuk iu bind urdhrave dhe, si pasojë, forcat amerikane ndërhynë dhe shkaktuan dëme në dhomën e motorit të anijes, duke e neutralizuar atë.
Trump po ashtu theksoi se anija është tani nën mbikëqyrjen e Marinës amerikane, ndërsa po verifikohet ngarkesa dhe aktiviteti i mëparshëm i anijes për shkak të dyshimeve për shkelje të sanksioneve të vendosura nga Departamenti i Thesarit të SHBA.
Ngjarja ende nuk është konfirmuar nga autoritetet iraniane, duke i lënë hapësirë për spekulime dhe përplasje të mundshme diplomatike.
