Ish-deputeti Agron Duka ka dhënë një reagim përmes një postimi në rrjetet sociale lidhur me protestën e organizuar nga Sali Berisha.
Duka thekson se pjesëmarrja e tij në këtë aktivitet është për shkak të kundërshtimit të korrupsionit dhe keqadministratës, dhe jo për mbështetje ndaj Berishës.
“Shpesh më pyesin pse del në krah të Berishës në protestë? Unë dal kundër kleptokracisë dhe jo në krah të Berishës. Nuk jam dakord me ata që thonë se këta vjedhin, por gjithashtu nuk kemi alternativë, sepse nuk kemi besim te opozita. Sipas optikës time, jam kundër kleptokracisë, dhe më pas të vijnë në pushtet ata që i përkrah ky popull, qofshin të majtë apo të djathtë. Këtë e them jo si opozitar, por si qytetar i lirë që ka zgjedhur të jetojë në këtë vend.”
