Këtë të mërkurë, në Gjykatën Penale të Tiranës, do të zhvillohet seanca për konfirmimin e masave të sigurisë ndaj katër protestuesve të arrestuar gjatë protestës së opozitës para Kryeministrisë.
Ata u arrestuan pasi hodhën molotov dhe u përballën me policinë. Po ashtu, 7 persona të tjerë janë proceduar penalisht. Deputetët e Partisë Demokratike, Klevis Balliu, Flamur Noka, Bledjon Nallbati, dhe avokati Marash Logu janë të pranishëm në mbështetje të protestuesve.
Policia njoftoi gjithashtu se ka nisur hetime për sekretarin organizativ të PD-së, Ervin Minarolli.
Gjatë protestës, tre punonjës të policisë u lënduan dhe një simpatizant i opozitës u përfshi nga flakët e molotovit.
