Pikë kufitare e Kakavijës ka pasur një fluks të shtuar udhëtarësh gjatë festave të Krishtlindjeve, duke krijuar radhë të gjata pritjeje, veçanërisht në anën greke të doganës.
Gjatë datës 24 dhjetor, janë përpunuar 10,508 shtetas dhe 3,219 mjete.
Pala greke ka punuar me një numër të reduktuar sportelesh, duke shkaktuar vonesa, ndërsa pala shqiptare ka operuar me 4 sportele në hyrje dhe 3 në dalje.
Autoritetet bëjnë thirrje për udhëtarët që të planifikojnë lëvizjet dhe të respektojnë rregullat e kufirit, pasi fluksi do të vazhdojë edhe në ditët në vijim.
