Në episodin e fundit të podcastit “Flasim” për vitin 2025, Kryeministri Edi Rama ka folur për arritjet dhe sfidat e Shqipërisë gjatë këtij viti, duke theksuar transformimet e rëndësishme në ekonomi, drejtësi dhe infrastrukturë.
Ai ka komentuar gjithashtu përpjekjet për të ndërtuar një shtet të bazuar në ligj, duke iu përgjigjur kritikave që përshkruajnë Shqipërinë si një vend të dominuar nga “llumi” politik dhe mediatik.
“Shqipëria e 700 tenxhereve politike mediatike, ku zien me histeri i gjithë llumi i gjysmë të vërtetave që janë edhe gënjeshtrat më të mëdha, ku linçohen njerëz e familje pa asnjë gajle, nuk e mund dhe as nuk e zmbraps dot kurrësesi Shqipërinë e të gjithë kapitujve të hapur të negociatave për anëtarësim në Bashkimin Europian.”
